കൊച്ചി: ഒ​ട്ടേറെ സാമ്പത്തിക പ്രതിസന്ധികൾ നിറഞ്ഞുനിന്ന കാലമായിട്ടും അത്യാഡംബര (സൂപ്പർ ലക്ഷ്വറി)​ കാറുകളുടെ സ്വർഗീയവിപണിയായി ഇന്ത്യ. ലോകമാകെ വിപണിതളരുകയാണെങ്കിലും ഇന്ത്യയിൽ വില്പന കുതിക്കുകയാണെന്ന് കമ്പനികൾ പറയുന്നു.
2022ൽ ഇതുവരെ ഈ ശ്രേണി കൈവരിച്ച വില്പന വർദ്ധന 50 ശതമാനമാണ്; കൊവിഡിനും മുമ്പ് 2018ൽ കുറിച്ച റെക്കാഡ് വളർച്ചാനിരക്കാണ് ഈവർഷം പഴങ്കഥയായത്. രണ്ടുകോടി രൂപയ്ക്കുമേൽ വിലയുള്ള കാറുകളാണ് അത്യാഡംബര പട്ടികയിൽ വരുന്നത്.
ഇവയിൽത്തന്നെ 4 കോടി രൂപയ്ക്കുമേൽ വിലയുള്ള കാറുകൾ മാത്രം വിപണിയിലുള്ള ഇറ്റാലിയൻ ബ്രാൻഡ് ലംബോർഗിനിയാണ് മുന്നേറ്റത്തെ നയിക്കുന്നതെന്നത് ശ്രദ്ധേയം.