തിരുവനന്തപുരം: ലോകകപ്പിൽ അർജന്റീന ടീമിനെ പിന്തുണച്ച കേരള ജനതയെ പേരെടുത്ത് അഭിനന്ദിച്ച് അർജന്റീന ഫുട്ബാൾ അസോസിയേഷൻ. ഇന്ത്യ, പാകിസ്ഥാൻ, ബംഗ്ലാദേശ് ആരാധകർക്ക് നന്ദി പറഞ്ഞ് തങ്ങളുടെ ഔദ്യോഗിക ട്വിറ്റർ അക്കൗണ്ടിൽ ചെയ്ത ട്വീറ്റിലാണ് കേരളത്തിന്റെയും പേരെടുത്ത് പറഞ്ഞ് അർജന്റീന ഫുട്ബാൾ അസോസിയേഷൻ നന്ദി രേഖപ്പെടുത്തിയത്.

ബംഗ്ലാദേശിൽ അർജന്റീനയുടെ വിജയം ആഘോഷിക്കുന്ന ആരാധകരുടെ ചിത്രം റീട്വീറ്റ് ചെയ്തുകൊണ്ടാണ് നന്ദി ബംഗ്ലാദേശ്, നന്ദി കേരളം, ഇന്ത്യ, പാകിസ്ഥാൻ നിങ്ങളുടെ പിന്തുണ അദ്ഭുതപ്പെടുത്തുന്നതായിരുന്നുവെന്ന് അർജന്റീന ഫുട്ബാൾ അസോസിയേഷൻ കുറിച്ചത്.