ദോഹ: ലോകകപ്പിലെ മികച്ച ഗോൾ കീപ്പർക്കുള്ള പുരസ്കാരം കരസ്ഥാമാക്കിയ അർജന്റീന ഗോളിയാണ് എമിലിയാനോ മാർട്ടിനസ്. എന്നാൽ ഇപ്പോൾ വൻ വിമർശനങ്ങളാണ് താരത്തിന് നേരെ പ്രചരിക്കുന്നത്. ഗോൾഡൻ ഗ്ലൗ പുരസ്കാരം സ്വീകരിച്ചതിന് പിന്നാലെ എമിലിയാനോ കാണിച്ച അശ്ലീല അംഗ്യങ്ങളാണ് വിവാദമായിരിക്കുന്നത്.
പുരസ്കാരം സ്വീകരിച്ച ശേഷം തന്റെ ടീമിന്റെ അടുത്തേക്ക് നീങ്ങുന്ന സമയത്ത് ലഭിച്ച പുരസ്കാരം വച്ച് എമിലിയാനോ അശ്ലീല അംഗ്യം കാണിച്ചെന്നാണ് ഉയരുന്ന ആരോപണം. ഖത്തർ ഭരണാധികാരികളും, ഫിഫ തലവനും നോക്കി നിൽക്കെയാണ് മാർട്ടിസിന്റെ ഈ പ്രവൃത്തി.
സംഭവത്തിന്റെ ചിത്രങ്ങളും വീഡിയോയും സമൂഹമാദ്ധ്യമത്തിൽ വ്യാപകമായി പ്രചരിക്കുന്നുണ്ട്. പാശ്ചത്യ മാദ്ധ്യമങ്ങളും മറ്റും ഇത് വലിയതോതിൽ ചർച്ചയാകുന്നുണ്ട്.
Emi Martìnez wins the golden glove.
— Gareth Davies (@GD10) December 18, 2022
And then does this with it. pic.twitter.com/Mt43auNBJX
ലോകകപ്പിലെ മികച്ച ഗോൾ കീപ്പർക്കുള്ള ഗോൾഡൻ ഗ്ലൗസാണ് എമിലിയാനോ മാർട്ടിനസ് നേടിയത്. മത്സരം പെനാൽറ്റി ഷൂട്ടൗട്ടിലേയ്ക്ക് നീങ്ങിയപ്പോൾ മികച്ച പ്രകടനം കാഴ്ചവച്ച എമിലിയാനോയെ അർജന്റീന ആരാധകർ രക്ഷകനായാണ് കണ്ടത്.