തി​രുവനന്തപുരം: കേരള സംസ്ഥാന ബാലസാഹിത്യ ഇൻസ്റ്റിറ്റ്യൂട്ട് സംഘടിപ്പിച്ച തളിര് സ്‌കോളർഷിപ്പി​ന്റെ സംസ്ഥാനതല വിജയികളെ പ്രഖ്യാപിച്ചു. ജൂനിയർ വിഭാഗത്തിൽ കോഴിക്കോട് ഉള്ളിയേരി എ.യു.പി സ്‌കൂളിലെ 5-ാംക്ലാസ് വിദ്യാർത്ഥി ഗൗതം എസ്.നാരായൺ ഒന്നാം സ്ഥാനം നേടി. കോട്ടയം പുതവേലി ഗവ.ഹയർസെക്കൻഡറി സ്‌കൂളിലെ 6-ാംക്ലാസ് വിദ്യാർത്ഥിനി​ എയ്ഞ്ചല ആൽവിൻ രണ്ടാം സ്ഥാനവും തൃശൂർ കൊടുങ്ങല്ലൂർ കെ.കെ.ടി.എം ഗവ.ഗേൾസ് ഹയർസെക്കൻഡറി സ്‌കൂളിലെ 7-ാംക്ലാസ് വിദ്യാർത്ഥി ബാല വർമ്മ കെ മൂന്നാം സ്ഥാനവും നേടി.

സീനിയർ വിഭാഗത്തിൽ കാസർഗോഡ് ജില്ലയിലെ ഗവ.ഹയർസെക്കൻഡറി സ്‌കൂൾ ബല്ല ഈസ്റ്റിലെ 10-ാംക്ലാസ് വിദ്യാർത്ഥി ശ്രീനന്ദൻ കെ.രാജ് ഒന്നാം സ്ഥാനവും കോട്ടയം പ്രവിത്താനം സെയിന്റ് മൈക്കിൾസ് എച്ച്.എസ്.എസിലെ 8-ാംക്ലാസ് വിദ്യാർത്ഥി ജോസഫ് നിയോ ബിൻസ് രണ്ടാം സ്ഥാനവും പാലക്കാട് കാരാകുറുശ്ശി ഗവ.ഹയർസെക്കൻഡറി സ്‌കൂളി​ലെ 9-ാംക്ലാസ് വിദ്യാർത്ഥി ഷിബില ടി മൂന്നാം സ്ഥാനവും നേടി​.

യഥാക്രമം പതിനായിരം,അയ്യായിരം,മൂവായിരം രൂപവീതമാണ് ആദ്യ മൂന്ന് സ്ഥാനക്കാർക്ക് സ്‌കോളർഷിപ്പായി​ ലഭിക്കുക. സംസ്ഥാനതല സ്‌കോളർഷിപ്പ് കൂടാതെ ഓരോ ജില്ലയിലും ചുരുങ്ങിയത് അറുപതു കുട്ടികൾക്ക് ആയിരം രൂപവീതവും ചുരുങ്ങിയത് നൂറു കുട്ടികൾക്ക് അഞ്ഞൂറ് രൂപവീതവും സ്‌കോളർഷിപ്പ് ലഭിക്കും.