തിരുവനന്തപുരം: കെപിസിസി ട്രഷറർ വി പ്രതാപചന്ദ്രൻ (73) അന്തരിച്ചു. ഇന്ന് രാവിലെ തിരുവനന്തപുരത്തെ വസതിയിൽ വച്ചായിരുന്നു അന്ത്യം. മുൻ കെപിസിസി പ്രസിഡന്റ് വരദരാജൻ നായരുടെ മകനാണ് പ്രതാപചന്ദ്രൻ.

കെഎസ്‌യു തിരുവനന്തപുരം ജില്ലാ പ്രസിഡന്റായിട്ടാണ് രാഷ്ട്രീയ ജീവിതം ആരംഭിച്ചത്. ഡിസിസി ഭാരവാഹിയുമായിരുന്നു അദ്ദേഹം. ദീർഘനാൾ പത്രപ്രവർത്തകനായും ജോലി ചെയ്തിരുന്നു. പ്രതാപചന്ദ്രന്റെ വിയോഗത്തെ തുടർന്ന് കോൺഗ്രസിന്റെ എല്ലാ ഔദ്യോഗിക പരിപാടികളും മാറ്റിവച്ച് മൂന്ന് ദിവസത്തെ ദുഃഖാചരണം നടത്തുമെന്ന് കെപിസിസി ജനറൽ സെക്രട്ടറി ടി യു രാധാകൃഷ്ണൻ അറിയിച്ചു.