നാനോ കാർ ഹെലികോപ്റ്റർ രൂപത്തിലാക്കി ഉത്തർപ്രദേശ് സ്വദേശി സൽമൻ. ഉത്തർപ്രദേശിലെ അസംഗഢ് ആസ്ഥാനമായുള്ള മരപ്പണിക്കാരനാണ് തന്റെ നാനോ കാറിനെ ഹെലികോപ്റ്ററാക്കി മാറ്റിയത്. ഹെലികോപ്റ്ററിന്റെ രൂപത്തിലേയ്ക്ക് രൂപാന്തരപ്പെടുത്തിയെങ്കിലും ഇത് ആകാശത്ത് ഓടിക്കാനാവില്ല. റോഡിലൂടെയേ ഓടൂ. എന്നാലും ഈ നാനോ ഓടിക്കുമ്പോൾ ആകാശയാത്രയുടെ സുഖം കിട്ടുമെന്നാണ് സൽമാൻ പറഞ്ഞു. അദ്ദേഹം കാറിനെ 'റോഡിൽ ഓടുന്ന ഹെലികോപ്റ്റർ' എന്നാണ് വിശേഷിപ്പിച്ചത്. നാലുമാസം കൊണ്ട് മൂന്നുലക്ഷം രൂപ ചെലവഴിച്ചാണ് നാനോ കാറിനെ സൽമൻ ഹെലികോപ്റ്റർ രൂപത്തിലേയ്ക്ക് രൂപാന്തരപ്പെടുത്തിയത്.
വലിയ സ്വീകാര്യതയാണ് തന്റെ കണ്ടുപിടുത്തത്തിന് പൊതുജനങ്ങളിൽ നിന്നും ലഭിക്കുന്നതെന്നും ഹെലികോപ്റ്റർ കാർ കാണാൻ നിരവധി ആളുകളാണ് തടിച്ചുകൂടുന്നതെന്നും സൽമൻ മാദ്ധ്യമങ്ങളോട് പറഞ്ഞു. ഹെലികോപ്റ്ററിലും വിമാനത്തിലും മറ്റും യാത്ര ചെയ്യാൻ ശേഷിയില്ലാത്ത പാവപ്പെട്ട ആളുകൾക്ക് തന്റെ ഈ വാഹനത്തിലൂടെ ആകാശത്തിൽ പറക്കുന്നതുപോലുള്ള അനുഭവം സാദ്ധ്യമാകും എന്നും അദ്ദേഹം പറയുന്നു. ഈ വാഹനം പൂർണമായും സുരക്ഷിതമാണെന്നും ഇദ്ദേഹം അവകാശപ്പെടുന്നു.
Uttar Pradesh | A Carpenter from Azamgarh converts his Nano car into a replica of a helicopter
— ANI UP/Uttarakhand (@ANINewsUP) December 21, 2022
I have made a helicopter that runs on the roads. It took about 4 months to complete the work and it cost around Rs 3 lakhs. There is a lot of demand for it: Carpenter Salman (20.12) pic.twitter.com/redDcLonfP