തിരുവനന്തപുരം : രാജ്യത്ത് കൊവിഡിന്റെ പുതിയ വകഭേദം ബി .എഫ് 7 സ്ഥിരീകരിച്ച പശ്ചാത്തലത്തിൽ കേരളത്തിലും കൂടുതൽ ജാഗ്രത വേണമെന്ന് മുഖ്യമന്ത്രി പിണറായി വിജയൻ അറിയിച്ചു. പനി,​ ജലദോഷം,​ തൊണ്ട വേദന എന്നിവ ബാധിച്ചാൽ അവഗരണിക്കരുതെന്നും കൊവിഡ് ലക്ഷണങ്ങളുള്ളവരുമായി അടുത്ത് ഇടപഴകാതിരിക്കണമെന്നും അദ്ദേഹം പറഞ്ഞു,​

രാജ്യത്ത് മൂന്ന് കേസുകളാണ് റിപ്പോർട്ട് ചെയ്യപ്പെട്ടത്.

ഗുജറാത്തിൽ രണ്ടുപേർക്കും ഒഡിഷയിൽ ഒരാൾക്കുമാണ് രോഗം സ്ഥിരീകരിച്ചത്. അമേരിക്കയിൽ നിന്ന് തിരിച്ചെത്തിയ 61കാരിയും രോഗബാധിതരിൽപ്പെടുന്നു. കൊവിഡ് വകഭേദം രാജ്യത്ത് സ്ഥിരീകരിച്ചതിനെ തുടർന്ന് വിമാനത്താവളങ്ങളിൽ യാത്രക്കാർക്കുള്ള പരിശോധന പുനരാരംഭിച്ചിട്ടുണ്ട്.