ന്യൂഡൽഹി : പ്രധാനമന്ത്രി നരേന്ദ്ര മോദിയെ രാഷ്ട്രപിതാവെന്ന് വിശേഷിപ്പിച്ച മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നാവിസിന്റെ ഭാര്യ അമൃത ഫഡ്നാവിസിന്റെ പരാമർശം വിവാദത്തിൽ. മഹാത്മാഗാന്ധി ആരാണെന്ന ചോദ്യത്തിനായിരുന്നു അമൃതയുടെ മറുപടി. നാഗ്പൂരിൽ സാഹിത്യകാരൻമാരുടെ സംഘടന സംഘടിപ്പിച്ച പരിപാടിയിൽ പങ്കെടുത്ത് സംസാരിക്കുകയായിരുന്നു അവർ.

മഹാത്മാ ഗാന്ധി രാഷ്ട്രപിതാവാണ്,​ മോദിജി പുതിയ ഇന്ത്യയുടെ പിതാവാണ്,​ രാജ്യത്തിന് രണ്ട് രാഷ്ട്രപിതാക്കൻമാരുണ്ട്. ഒരാൾ ഈ കാലഘട്ടത്തിൽ നിന്ന് ,​ മറ്റൊരാൾ ആ കാലഘട്ടത്തിൽ നിന്നും. അമൃത പറഞ്ഞു. സോഷ്യൽ മീഡിയ പോസ്റ്റുകളുടെ പേരിൽ നേരത്തെയും അമൃത വിവാദം സൃഷ്ടിച്ചിട്ടുണ്ട്. മുൻപൊരിക്കൽ രാജ്യത്തിന്റെ പിതാവായ നരേന്ദ്ര മോദിജിക്ക് ജന്മദിനാശംസകൾ നേരുന്നുവെന്ന് അമൃത ട്വീറ്റ് ചെയ്തിരുന്നു. അതേസമയം അമൃതയുടെ പ്രസ്താവനയ്ക്കെരിരെ രൂക്ഷവിമർശനമാണ് ഉയരുന്നത്