പുതിയ കാലത്ത് വീടുകളിൽ ഫ്രിഡ്ജിന്റെ സ്ഥാനം ഒഴിവാക്കാനാകാത്ത ഒന്നാണ്. പച്ചക്കറിയും ആഹാരസാധനങ്ങളും പാനീയങ്ങളും സൂക്ഷിക്കാൻ ഉപകരിക്കുന്ന ഫ്രിഡ്ജ് വൃത്തിയായി സൂക്ഷിച്ചില്ലെങ്കിൽ നമുക്ക് തന്നെ ദോഷം സൃഷ്ടിക്കും, ദുർഗന്ധം അകറ്റാനും ഭക്ഷണം ഫ്രഷായി സൂക്ഷിക്കാനും ഫ്രിഡ്ജ് ഉപയോഗിക്കുമ്പോൾ ഇക്കാര്യങ്ങൾ പ്രത്യേകം ശ്രദ്ധിക്കണം, ഫ്രിഡ്ജ് വൃത്തിയായി സൂക്ഷിക്കുക എന്നതാണ് അതിൽ ഏറ്റവും പ്രധാനം.
ഫ്രിഡ്ഡ് വൃത്തിയായി സൂക്ഷിിച്ചില്ലെങ്കിൽ ഭക്ഷ്യവിഷബാധയ്ക്ക് വരെ കാരണമാകാം, ഫ്രിഡ്ജിൽ പഴങ്ങളും പച്ചക്കറികളും ദിവസങ്ങളോളം വച്ചിരിക്കരുത്. ഇത്തരം പച്ചക്കറികളും പഴങ്ങളും പച്ചക്കറികളും നശിച്ചുപോകുന്നതിനെ തുടർന്ന് ഫ്രിഡ്ജിൽ അണുക്കൾ പടരുന്നു. ബാക്കി വന്ന കറികൾ ഏറെ നാൾ ഫ്രിഡ്ജിൽ സൂക്ഷിച്ചു വച്ചാൽ അണുക്കൾ പെരുകുന്നതിന് ഇടയാക്കും. ഈ പ്രശ്നങ്ങൾ എങ്ങനെ ഒഴിവാക്കാം എന്ന് നോക്കാം.
ഫ്രിഡ്ജ് എങ്ങനെ എളുപ്പത്തിൽ വൃത്തിയാക്കാം?
വൃത്തിയാക്കുന്നതിന് മുമ്പായി റഫ്രിജറേറ്ററിൽ നിന്ന് എല്ലാ സാധനങ്ങളും നീക്കം ചെയ്യുക. മോശമായതോ കാലാവധി കഴിഞ്ഞതോ ആയ ഭക്ഷണം വേസ്റ്റ്ബിന്നിൽ കളയുക. വൃത്തിയാക്കാൻ തുടങ്ങുന്നതിന് മു്മ്പ് ഫ്രീഡ്ജ് ഓഫ് ചെയ്യാൻ മറക്കരുത്.
ഡിഷ് വാഷ് ജെൽ, വെള്ളം, സ്പോഞ്ച്, കോട്ടൺതുണി, വിനാഗിരി, നാരങ്ങ, മൃദുവായ നാരുകളുള്ള ബ്രഷ്, ബേക്കിംഗ് സോഡ എന്നിവ ഫ്രീഡ്ജ് വൃത്തിയാക്കുന്നതിന് ഉപയോഗിക്കാം.
ആദ്യം ഫ്രിഡ്ജിന്റെ ഷെൽഫുകളും ട്രേകളും നീക്കം ചെയ്ത് അവ ആദ്യംകഴുകണം, കറ പിടിച്ച ട്രേകൾ ചൂടുള്ള സോപ്പ് ലായനിയിൽ മുക്കി വച്ചശേഷം ഡിഷ് വാഷ് ഉപയോഗിച്ച് കുതിർത്ത് കഴുകണം.
ഫ്രിഡ്ജിന്റെ അകത്തെ ഭാഗം വൃത്തിയാക്കാൻ
ഒരു ടീസ്പൂൺ ഡിഷ് വാഷ് ലിക്വിഡ് ഒരു പാത്രം വെള്ളത്തിൽ കലർത്തി ലായനി ഉണ്ടാക്കുക. ഈ ലായനിയിൽ വൃത്തിയുള്ള ഒരു സ്പോഞ്ച് നനച്ച് ഫ്രിഡ്ജിന്റെ ഉപരിതലം തുടയ്ക്കുക. ഇതിന് ശേഷം ഉണങ്ങിയ കോട്ടൺ തുണി ഉപയോഗിച്ച് അവശിഷ്ടങ്ങൾ തുടയ്ക്കുക. ഈർപ്പം അവശേഷിക്കുന്നില്ലെന്ന് ഉറപ്പാക്കുക. അതുപോലെ തന്നെ അകം ഭാഗവും നന്നായി തുടച്ച് വൃത്തിയാക്കുക. ഉരച്ച് വൃത്തിയാക്കാൻ ശ്രമിക്കരുത്. ഇത് നിങ്ങളുടെ ഫ്രിഡ്ജിൽ പോറലുകൾ വീഴ്ത്താം.
അര ടീസ്പൂൺ ഡിഷ് വാഷ് ലിക്വിഡ് അര ടീസ്പൂൺ വിനാഗിരി എന്നിവ ഒരു പാത്രം ചൂടുവെള്ളത്തിൽ കലർത്തി യോജിപ്പിക്കുക. ഇത് നല്ലൊരു ഫ്രിഡ്ജ് ക്ലീനർ ആണ്. ഈ ലായനിയിൽ ഒരു സ്പോഞ്ച് നനച്ച് ഫ്രിഡ്ജ് നന്നായി തുടച്ച് വൃത്തിയാക്കുക. ഈർപ്പം നീക്കം ചെയ്യാൻ കോട്ടൺ തുണി ഉപയോഗിച്ച് തുടയ്ക്കുക.
ഗാസ്‌കറ്റ് വൃത്തിയാക്കുക
ഒരു പാത്രത്തിൽ 1 കപ്പ് വീതം വിനാഗിരിയും വെള്ളവും കലർത്തുക. ഈ ലായനിയിൽ വൃത്തിയുള്ള തുണി മുക്കി ഗാസ്‌കറ്റ് തുടയ്ക്കുക. വൃത്തിയുള്ള തൂവാല കൊണ്ട് തുടച്ച് ഉണക്കുക. അതിനശേഷം, മൃദുവായ ബ്രഷ് ബ്രഷ് ഉപയോഗിച്ച് കുറച്ച് തുള്ളി നാരങ്ങ അവശ്യ എണ്ണ ഗാസ്‌കറ്റിൽ പുരട്ടുക. ഇത് ഗാസ്‌കറ്റ് റബ്ബറിനെ മൃദുലമായി നിലനിർത്തും.
കടുത്ത കറകൾ നീക്കാം
ഏതെങ്കിലും കടുത്ത കറകളും പാടുകളും നീക്കം ചെയ്യുവാനായി, രണ്ട് ടേബിൾ സ്പൂൺ വീതം വിനാഗിരിയും ബേക്കിംഗ് സോഡയും ചേർത്ത് ഒരു പേസ്റ്റ് ഉണ്ടാക്കുക. ഈ പേസ്റ്റ് ഉപയോഗിച്ച് പാടുകൾ നീക്കം ചെയ്യാൻ ഒരു വൃത്തിയുള്ള തുണി ഉപയോഗിക്കുക. അതിനു ശേഷം, ഒരു സ്പോഞ്ച് വെറും വെള്ളത്തിൽ മുക്കി ഫ്രിഡ്ജ് തുടച്ചു വൃത്തിയാക്കുക. ഫ്രിഡ്ജിന്റെ അകത്തെ മൂലകൾ നന്നായി വൃത്തിയാക്കാൻ പ്രത്യേകം ഓർക്കുക.
അകം വൃത്തിയാക്കിയ ശേഷം ഒരു കോട്ടൺ തുണി കൊണ്ട് തുടച്ച് ഈർപ്പം നീക്കിയ ശേഷം വൃത്തിയാക്കിയ ട്രേകളും ബാസ്‌കറ്റും അതാത് സ്ഥാനത്ത് തിരികെ വെയ്ക്കാം. ഭക്ഷണങ്ങൾ വളരെ വൃത്തിയായി ബോക്സിലോ കവറിലോ ആക്കിയ ശേഷം തിരികെ വെയ്ക്കുക. ചീഞ്ഞതോ കേടായതോ ആയവ ഉപേക്ഷിക്കുക. എല്ലാ മൂന്ന് മാസത്തിലൊരിക്കലെങ്കിലും ഫ്രിഡ്ജ് ഈ രീതിയിൽ വൃത്തിയാക്കാൻ ശ്രദ്ധിക്കുക.