തൊണ്ണൂറ്റിയഞ്ചാമത് ഓസ്‌കർ അവാർഡിനുള്ള ചുരുക്ക പട്ടികയിൽ ആർആർആറും തിരഞ്ഞെടുക്കപ്പെട്ടിരിക്കുന്നു. 'നാട്ടു നാട്ടു' എന്ന ഗാനമാണ് ഓസ്‌കാർ അവാർഡിനുള്ള പരിഗണനാ പട്ടികയിൽ ഇടം പിടിച്ചത്. മികച്ച ചിത്രം, മികച്ച സംവിധാനം എന്നീ വിഭാഗത്തിലും ചിത്രം മത്സരിക്കുന്നുണ്ട്. എന്നാൽ ഇവയുടെ അവസാന പട്ടിക പുറത്തുവന്നിട്ടില്ല. ഇവയിൽ ഏതെങ്കിലും പട്ടികയിൽ 'ആർആർആർ' ഇടം നേടിയാൽ അതൊരു ചരിത്ര നിമിഷമായിരിക്കും. ഒറിജിനൽ സ്കോർ കാറ്റഗറിയിലാണ് രാജമൗലി ചിത്രത്തിലെ ഗാനം ഇടം നേടിയത്. ഇപ്പോഴിതാ അഭിമാന നേട്ടത്തിൽ സന്തോഷം പ്രകടിപ്പിച്ച് രംഗത്ത് എത്തിയിരിക്കുകയാണ് ചിത്രത്തിലെ നായകനായ രാംചരൺ.

'മൊത്തം ഇന്ത്യൻ സിനിമ ഇൻഡസ്ട്രിക്ക് ഇത് ചരിത്ര മുഹൂർത്തമാണ്. അക്കാദമി അവാർഡിനായുള്ള ചുരുക്ക പട്ടികയിൽ ഇടം നേടുന്ന ആദ്യ ഇന്ത്യൻ ഗാനമാകുക എന്നത് വലിയ അഭിമാനമാണ്. എം എം കീരവാണിയുടെയും എസ് എസ് രാജമൗലിയുടെയും ഭാവനയും മാജിക്കുമാണ് നേട്ടത്തിന് കാരണം' എന്നും രാം ചരണ്‍ ട്വീറ്ററിൽ കുറിച്ചു.

What a historic moment for the entire Indian Film Industry… Couldn’t be more honoured to note that #NaatuNaatu becomes the first Indian song to be shortlisted for the Academy Awards! @ssrajamouli garu and @mmkeeravaani garu, it’s all your vision and magic..🙏❤️ #RRRForOscars pic.twitter.com/hdJuce16Zl

— Ram Charan (@AlwaysRamCharan) December 22, 2022

'നാട്ടു നാട്ടു' എന്ന ഗാനം ചിത്രത്തിന്റെ റിലീസിനു മുന്നേ ഹിറ്റായിരുന്നു. എം എം കീരവാണിയാണ് ചിത്രത്തിലെ ഗാനത്തിന് സംഗീത സംവിധാനം ചെയ്തിരിക്കുന്നത്. ചന്ദ്രബോസിന്റെ വരികള്‍ രാഹുല്‍ കാല ഭൈരവ എന്നിവര്‍ ചേര്‍ന്നാണ് പാടിയിരിക്കുന്നത്.