കീവ് : യുക്രെയിൻ പ്രസിഡന്റ് വൊളൊഡിമിർ സെലെൻസ്കി പോളണ്ടിലെത്തി പ്രസിഡന്റ് ആൻഡ്രെ ഡൂഡയുമായി കൂടിക്കാഴ്ച നടത്തി. വ്യാഴാഴ്ചത്തെ യു.എസ് സന്ദർശനം കഴിഞ്ഞ് മടങ്ങവെയാണ് സെലെൻസ്കി പോളണ്ടിലെത്തിയത്. കൂടിക്കാഴ്ചക്കിടെ ഈ വർഷത്തെ സംഭവവികാസങ്ങളും നയതന്ത്ര വിഷയങ്ങളും ഇരുവരും ചർച്ച ചെയ്തെന്ന് സെലെൻസ്കി പറഞ്ഞു. യുക്രെയിൻ ജനതയ്ക്ക് നൽകുന്ന പിന്തുണയ്ക്ക് സെലെൻസ്കി പോളണ്ടിന് നന്ദിയറിയിച്ചു. ഡൂഡയുമായി രണ്ട് മണിക്കൂർ നീണ്ട കൂടിക്കാഴ്ചയ്ക്കൊടുവിൽ സെലെൻസ്കി ഇന്നലെ കീവിൽ തിരിച്ചെത്തി.