കാസർകോട്: പിഞ്ചുകുഞ്ഞ് ബക്കറ്റിലെ വെള്ളത്തിൽ വീണുമരിച്ചു. കാസർകോട് അമ്പലത്തറ ഇരിയ അബ്‌ദുൾ ജബ്ബാറിന്റെ മകൻ മുഹമ്മദ് റിസയാണ് മരിച്ചത്. പതിനൊന്ന് മാസമായിരുന്നു പ്രായം. ഇന്ന് രാവിലെയായിരുന്നു അപകടം.

കുഞ്ഞിന് ഭക്ഷണമുണ്ടാക്കാൻ അമ്മ അടുക്കളയിൽ പോയ സമയത്തായിരുന്നു അപകടം. കുഞ്ഞിന്റെ മുത്തശ്ശി കഴിഞ്ഞ ദിവസം മരിച്ചിരുന്നു. അതിന് പിന്നാലെയാണ് അപകടം ഉണ്ടായത്.