ന്യൂഡൽഹി: ആയുധങ്ങളും വെടിമരുന്നുകളും 300 കോടി രൂപയുടെ 40 കിലോഗ്രാം മയക്കു മരുന്നുമായെത്തിയ പാകിസ്ഥാനി മത്സ്യബന്ധന ബോട്ട് ഗുജറാത്ത് തീരത്തു നിന്ന് പിടിയിൽ. ബോട്ടിലുണ്ടായിരുന്ന പത്ത് പേരെയും അറസ്​റ്റ് ചെയ്തു.

ഗുജറാത്ത് തീവ്രവാദ വിരുദ്ധ സ്‌ക്വാഡ് നൽകിയ വിവരത്തിന്റെ അടിസ്ഥാനത്തിൽ ഇന്ത്യൻ കോസ്റ്റ് ഗാർഡാണ് 'അൽ സൊഹേലി" എന്ന ബോട്ട് ഓഖ തീരത്ത് അടുപ്പിച്ചത്.

കോസ്റ്റ് ഗാർഡും ഗുജറാത്ത് തീവ്രവാദ വിരുദ്ധ സ്‌ക്വാഡും ചേർന്ന് ഈ വർഷം നടത്തിയ ഏഴാമത്തെ സമാന ഓപ്പറേഷനായിരുന്നു ഇത്. രണ്ട് മാസം മുമ്പ് 'അൽ സകർ" എന്ന പാക് ബോട്ടിൽ നിന്ന് 350 കോടിയുടെ 50 കിലോഗ്രാം ഹെറോയിൻ പിടിച്ചെടുക്കുകയും ആറ് പേരെ അറസ്റ്റ് ചെയ്യുകയും ചെയ്തിരുന്നു.