തിരുവനന്തപുരം : ഹിന്ദുക്കൾ അമ്പലത്തിൽ പോയാൽ മൃദു ഹിന്ദുത്വ സമീപനമെന്ന് പറയുന്നത് തെറ്റാണെന്ന് മുതിർന്ന കോൺഗ്രസ് നേതാവും പ്രവർത്തക സമിതി അംഗവുമായ എ.കെ. ആന്റണി പറഞ്ഞു. മുസ്ലിങ്ങൾക്കും ക്രൈസ്തവർക്കും പള്ളിയിൽ പോകാം. പക്ഷേ ഹൈന്ദവ സുഹൃത്തുക്കൾ അമ്പലത്തിൽ പോയാൽ അപ്പോൾ മൃദു ഹിന്ദുത്വ ,​സമീപനം എന്നു പറഞ്ഞാൽ മോദിഭരണം തിരിച്ചുവരുമെന്ന് ആന്റണി പറഞ്ഞു. തിരുവനന്തപുരത്ത് കോൺഗ്രസ് സ്ഥാപക ദിനാഘോഷത്തിൽ സംസാരിക്കുകയായിരുന്നു അദ്ദേഹം.

ഫാസിസത്തിനെതിരായ പോരാട്ടത്തിൽ ന്യൂനപക്ഷങ്ങളെ മാത്രമല്ല ഭൂരിപക്ഷത്തെയും ഒപ്പം നിറുത്തണം. കോൺഗ്രസ് ശ്രമിക്കുന്നത് എല്ലാവരെയും ഒപ്പം നിറുത്താനാണെന്നും എ,​കെ,​ ആന്റണി വ്യക്തമാക്കി.