തൃശ്ശൂർ: ഡീസൽ തീ‌ർന്നതിനെത്തുടർന്ന് കെ എസ് ആര്‍ ടി സി സ്വിഫ്റ്റ് ബസ് പെരുവഴിയിൽ. ചെന്നെെ - എറണാകുളം എസി സ്ലീപ്പർ ബസിലാണ് ഇന്ധനം തീർന്നത്. രാവിലെ ഒമ്പത് മണിയോടെയായിരുന്നു സംഭവം. പാലക്കാട് പന്നിയങ്കര ടോൾ പ്ലാസയ്ക്ക് സമീപത്തുവച്ചാണ് ബസ് ഓഫായത്.

യാത്രക്കാർ എല്ലാം കിട്ടിയ വണ്ടികളിൽ യാത്ര തുടർന്നു. ബസ് ജീവനക്കാർ സമീപത്തെ പമ്പിൽ നിന്ന് ഡീസൽ കൊണ്ടുവന്ന് ഒഴിച്ചെങ്കിലും ബസ് സ്റ്റാർട്ടായില്ല. ഡീസൽ ടാങ്ക് മുഴുവൻ വറ്റിപ്പോയതാണ് കാരണമെന്നാണ് റിപ്പോർട്ട്. വടക്കഞ്ചേരി ഡിപ്പോയിൽ നിന്നും ജീവനക്കാരെത്തി ബസ് മാറ്റാനുള്ള ശ്രമം നടത്തുന്നുണ്ട്.