മലപ്പുറം : കേന്ദ്ര ഗവ. നിരക്കിൽ പെൻഷൻ പരിഷ്‌കരണം നടപ്പാക്കണമെന്നടക്കമുള്ള ആവശ്യങ്ങളുന്നയിച്ച് ബി.എസ്.എൻ.എൽ പെൻഷൻകാർ ഡി.പി.ഒ റോഡിലുള്ള ബി.എസ്.എൻ.എൽ ജനറൽ മാനേജർ ഓഫീസിലേക്ക് പ്രതിഷേധമാർച്ച് നടത്തി .
ഓൾ ഇന്ത്യ ബി.എസ്.എൻ.എൽ പെൻഷനേഴ്സ് വെൽഫെയർ അസോസിയേഷനാണ് സമരത്തിന് ആഹ്വാനം നൽകിയത്. അസോസിയേഷൻ ജില്ലാ പ്രസിഡന്റ് പി.കെ. അബ്ദുറഹ്മാൻ മാർച്ച് ഉദ്ഘാടനം ചെയ്തു. ജില്ലാ സെക്രട്ടറി വി.ആർ. വാസുദേവൻ, ബ്രാഞ്ച് പ്രസിഡന്റ് ടി. രാധാകൃഷ്ണൻ, സുധാകരൻ മേലേതിൽ, പി.ആർ. സോമസുന്ദരൻ,​ മലപ്പുറം ബ്രാഞ്ച് സെക്രട്ടറി സി. ബാബു,​ തിരൂർ ബ്രാഞ്ച് സെക്രട്ടറി എം.അബൂബക്കർ എന്നിവർ പ്രസംഗിച്ചു.