പാലക്കാട്: വ്യാസവിദ്യാപീഠം പ്രിൻസിപ്പൽ ജി.ദേവൻ നിര്യാതനായി. ഇന്നലെ രാവിലെ എടത്തറയിൽ വെച്ചുണ്ടായ വാഹനാപകടത്തിലാണ് മരണം. പ്രഭാത സവാരിക്ക് ഇറങ്ങിയപ്പോൾ ഓട്ടോറിക്ഷ ഇടിക്കുകയായിരുന്നു. തുടർന്ന് പാലക്കാട് ജില്ലാ ആശുപത്രിയിലും ശേഷം കോയമ്പത്തൂരിലെ സ്വകാര്യ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. ഭാരതീയ വിദ്യാനികേതൻ സംസ്ഥാന സമിതി അംഗമാണ്. മൃതദേഹം പോസ്റ്റ്‌മോർട്ട ശേഷം ബന്ധുക്കൾക്ക് വിട്ടു നൽകി. ഇന്ന് രാവിലെ 10.30ന് എടത്തറയിലെ വസതിയിലും ഉച്ചയ്ക്ക് 12ന് വ്യാസ വിദ്യാപീഠം സ്‌കൂളിലും പൊതുദർശനത്തിനുവയ്ക്കും. ശേഷം വൈകീട്ടോടെ ആലത്തൂർ കണ്ണമ്പ്രയിലെ കുടുംബവീടിന് സമീപം സംസ്‌കരിക്കും. ഭാര്യ: ഷീജ. മോയൻ സ്‌കൂൾ അദ്ധ്യാപികയാണ്. മക്കൾ: ദേവിക, നന്ദന.