തിരുവല്ല: താലൂക്ക് എൻ.എസ്.എസ്.കരയോഗ യൂണിയന്റെ ആഭിമുഖ്യത്തിൽ വിദ്യാധിരാജ ചട്ടമ്പിസ്വാമി അനുസ്മരണ സമ്മേളനവും പ്രതിഭാസംഗമവും നടത്തി. യൂണിയൻ പ്രസിഡന്റ് ആർ. മോഹൻകുമാറിന്റെ അദ്ധ്യക്ഷതയിൽ എൻ.എസ്.എസ് ട്രഷററും കരുനാഗപ്പള്ളി യൂണിയൻ പ്രസിഡന്റുമായ അഡ്വ.എൻ.വി. അയ്യപ്പൻപിള്ള ഉദ്ഘാടനം ചെയ്തു.വൈസ് പ്രസിഡന്റ് ഡോ.എം.സുരേഷ്, സെക്രട്ടറി ജെ.ശാന്തസുന്ദരൻ, വനിതാ യൂണിയൻ പ്രസിഡന്റ് സുമംഗലാ ദേവി എന്നിവർ പ്രസംഗിച്ചു. താലൂക്കിലെ 88 കരയോഗങ്ങൾക്കും എൻ.എസ്.എസ് ഹെഡ് ഒാഫീസിൽ നിന്നുള്ള വിദ്യാഭ്യാസ ധനസഹായം, യൂണിയൻ സ്‌കോളർഷിപ്പ്, എസ്.എസ്.എൽ.സി, പ്ലസ്ടു മെറിറ്റ് അവാർഡുകൾ,എൻഡോവ്മെന്റ്, കലാമത്സര വിജയികൾക്കുള്ള സമ്മാനദാനം,വിവിധ ചികിത്സാ സഹായങ്ങളുടെ വിതരണം എന്നിവയും ഉണ്ടായിരുന്നു.