പത്തനംതിട്ട: കൈപ്പട്ടൂർ പാലത്തിന് താഴെ അച്ചൻകോവിലാറ്റിൽ കുളിക്കാനിറങ്ങിയ ശബരിമല തീർത്ഥാടകൻ മുങ്ങിമരിച്ചു. തിരുവനന്തപുരം പാലോട് ഭരതന്നൂർ ലെനിൻകുന്ന് തെക്കിൻകര പുത്തൻവീട്ടിൽ മണിക്കുട്ടനാണ് (34) മരിച്ചത്. നദിയിലെ കുഴി തിരിച്ചറിയാതെ ഇറങ്ങിയതാണ് അപകടത്തിനിടയാക്കിയതെന്ന് ഫയർഫോഴ്സ് ഉദ്യോഗസ്ഥർ പറഞ്ഞു. പതിനഞ്ച് മിനിട്ടിനുള്ളിൽ മണിക്കുട്ടനെ മുങ്ങിയെടുത്തെങ്കിലും ജീവൻ നഷ്ടപ്പെട്ടിരുന്നു.ശബരിമലയിലേക്ക് നടന്നു പോയ അഞ്ച് പേരടങ്ങുന്ന സംഘം തിരിച്ചു വരുന്ന വഴിയാണ് കുളിക്കാനിറങ്ങിയത്. മൃതദേഹം പത്തനംതിട്ട ജനറൽ ആശുപത്രിയിൽ പോസ്റ്റുമോർട്ടം നടത്തി ബന്ധുക്കൾക്ക് വിട്ടുകൊടുക്കും.