പത്തനംതിട്ട : നഗരസഭ രണ്ടാം വാർഡിൽ നിർമ്മിച്ച സാംസ്കാരിക നിലയവും വാർഡ് സേവാകേന്ദ്രവും ലൈബ്രറിയും ഇന്ന് നഗരസഭാ ചെയർമാൻ അഡ്വ.ടി. സക്കീർ ഹുസൈൻ ഉദ്ഘാടനം ചെയ്യും.. നഗരസഭാ ഭരണ സമിതിയുടെ രണ്ടാം വാർഷികത്തോടനുബന്ധിച്ച് പൂർത്തീകരിക്കുന്ന പദ്ധതികളുടെ ഭാഗമാണിത്. ജനങ്ങൾക്ക് നഗരസഭയുടെ വിവിധ സേവനങ്ങൾ വാർഡിൽ ലഭ്യമാക്കുക, പൊതുപരിപാടികൾക്കും മറ്റ് സാംസ്ക്കാരിക പ്രവർത്തനങ്ങൾക്കും ഇടമൊരുക്കുക, വായനാശീലം വളർത്തുന്നതിന് ജനങ്ങൾക്ക് ഉപയുക്‌തമാകുന്ന തരത്തിൽ ഗ്രന്ഥശാല പ്രവർത്തനം വ്യാപിപ്പിക്കുക തുടങ്ങിയവയാണ് പദ്ധതിയുടെ ലക്ഷ്യങ്ങൾ 17 ലക്ഷം രൂപ ചിലവഴിച്ചാണ് നിർമ്മാണം പൂർത്തിയാക്കിയത്. കൗൺസിലറുടെ വാർഡ് തല കാര്യാലയം എന്ന നിലയിലാണ് സേവാ കേന്ദ്രം പ്രവർത്തിക്കുന്നത്. . സേവനങ്ങൾ കാര്യക്ഷമമാക്കുന്നതിനായി കേന്ദ്രത്തിൽ ഫെസിലിറ്ററെ ചുമതലപ്പെടുത്തുമെന്ന് വാർഡ് കൗൺസിലർ പി.കെ അനീഷ് പറഞ്ഞു.