കൊല്ലം : എസ്.എൻ.ഡി.പി യോഗം കുന്നത്തൂർ യൂണിയന്റെ നേതൃത്വത്തിൽ 7 പഞ്ചായത്തുകളിലെ 37 ശാഖകളെ ഏകോപിപ്പിച്ച് നടത്തുന്ന ശിവഗിരി തീർത്ഥാടന മാസാചരണത്തിന്റെ പഞ്ചായത്തുതല ഉദ്ഘാടനം ശാസ്താംകോട്ട പഞ്ചായത്തിൽ എസ്.എൻ.ഡി.പി യോഗം പനപ്പെട്ടി 3044-ാം നമ്പർ ശാഖയിൽ വച്ച് നടത്തി. യൂണിയൻ സെക്രട്ടറി ഡോ.പി.കമലാസനൻ ഉദ്ഘാടനം ചെയ്തു. സ്വാമി സാന്ദ്രാനന്ദ അനുഗ്രഹ പ്രഭാഷണം നടത്തി. യൂണിയൻ വൈസ് പ്രസിഡന്റെ് റാം മനോജ് അദ്ധ്യക്ഷനായി. കൗൺസിലർമാരായ അഡ്വ. സുഭാഷ് ചന്ദ്രബാബു, അഖിൽ സിദ്ധാർത്ഥ്, സി.ആർ. ശശിധരൻ,ദീപ, എന്നിവർ സംസാരിച്ചു. പഞ്ചായത്തുതല കൺവീനർ എസ്.ഷിബു സ്വാഗതവും ചെയർമാൻ നെടിയവിള സജീവൻ നന്ദിയും പറഞ്ഞു. ശൂരനാട് വടക്ക് പഞ്ചായത്തിൽ 2410-ാം നമ്പർ നടുവിലേമുറി കണ്ണമം ശാഖയിൽ വച്ച് പഞ്ചായത്തുതല സമ്മേളനം നടന്നു. യൂണിയൻ പ്രസിഡന്റ് ആർ. ശ്രീകുമാർ ഉദ്ഘാടനം ചെയ്തു. സ്വാമി അസ്പർശാനന്ദ അനുഗ്രഹ പ്രഭാഷണം നടത്തി . പഞ്ചായത്തുതല ചെയർമാൻ തഴവാവിള ദിവാകരൻ അദ്ധ്യക്ഷനായി. യോഗം ഡയറക്ടർ ബോർഡ് അംഗം വി.ബേബികുമാർ , കൗൺസിലർമാരായ അഡ്വ. ഡി.സുധാകരൻ, പ്രേം ഷാജി , ആർ.സുഗതൻ ,

സുഭാഷ ചന്ദ്രൻ , എ.ദിവ്യ എന്നിവർ സംസാരിച്ചു. കൺവീനർ രാജേഷ് സ്വാഗതവും യൂണിയ പഞ്ചായത്ത് കമ്മിറ്റി അംഗം എസ്.ശ്രീജിത്ത് നന്ദിയും പറഞ്ഞു.