പോരുവഴി : എസ്.എൻ.ഡി.പി യോഗം കുന്നത്തൂർ യൂണിയന്റെ നേതൃത്വത്തിൽ 7 പഞ്ചായത്തുകളിലെ 37 ശാഖകളെ ഏകോപിപ്പിച്ച് നടത്തുന്ന ശിവഗിരി തീർത്ഥാടന മാസാചരണത്തിന്റെ ഭാഗമായി നടന്ന ശൂരനാട് പഞ്ചായത്തുതല സമ്മേളനം 2410-ാം നമ്പർ നടുവിലേമുറി കണ്ണമം ശാഖയിൽ വച്ച് നടന്നു. കുന്നത്തൂർ യൂണിയൻ പ്രസിഡന്റ് ആർ.ശ്രീകുമാർ ഉദ്ഘാടനം ചെയ്തു. സ്വാമി അസ്പർശാനന്ദ അനുഗ്രഹ പ്രഭാഷണം നടത്തി. പഞ്ചായത്തുതല ചെയർമാൻ തഴവാവിള ദിവാകരൻ അദ്ധ്യക്ഷനായി. യോഗം ഡയറക്ടർ ബോർഡ് അംഗം വി.ബേബികുമാർ , കൗൺസിലർമാരായ അഡ്വ.ഡി.സുധാകരൻ, പ്രേം ഷാജി , ആർ.സുഗതൻ ,സുഭാഷ് ചന്ദ്രൻ , ജി.ബാഹുലേയൻ, എ.ദിവ്യ എന്നിവർ സംസാരിച്ചു. കൺവീനർ രാജേഷ് സ്വാഗതവും യൂണിയൻ പഞ്ചായത്ത് കമ്മിറ്റി അംഗം എസ്.രഞ്ജിത്ത് നന്ദിയും പറഞ്ഞു.