കൊ​ല്ലം: കൊ​ല്ല​ത്ത് സി.ജി.എ​ച്ച്.എ​സ് വെൽ​നെ​സ് സെന്റർ ആ​രം​ഭി​ക്കു​ന്ന​ത് അ​നു​ഭാ​വ​പൂർവം പ​രി​ഗ​ണി​ക്കു​മെ​ന്ന് കേ​ന്ദ്ര മ​ന്ത്രി മൻ​സു​ഖ് മ​ണ്ഡാ​വ്യ ഉ​റ​പ്പ് നൽ​കി​യ​താ​യി എൻ.കെ.പ്രേ​മ​ച​ന്ദ്രൻ എം.പി അ​റി​യി​ച്ചു.

ഗു​ണ​ഭോ​ക്താ​ക്കൾ കുറവാണെന്ന കാ​ര​ണ​ത്താൽ നിർദേ​ശം പ​രി​ഗ​ണി​ക്കാൻ ക​ഴി​യി​ല്ലെ​ന്ന മ​ന്ത്രാ​ല​യ​ത്തി​ന്റെ ക​ണ്ടെ​ത്തൽ ശ​രി​യ​ല്ലെ​ന്നും നി​ല​വി​ലെ സ്ഥി​തി​വി​വ​ര ക​ണ​ക്കു​കൾ പ്ര​കാ​രം കൊ​ല്ല​ത്ത് മാ​ത്രം 21,000 ഓ​ളം സ്​കീ​മി​ലുൾ​പ്പെ​ട്ട ഗു​ണ​ഭോ​ക്താ​ക്കളുണ്ടെ​ന്നും എം.പി മ​ന്ത്രി​യു​മാ​യി ന​ട​ത്തി​യ ചർ​ച്ച​യിൽ വ്യക്തമാക്കി. കേ​ന്ദ്ര സർക്കാരിന്റെ ആ​രോ​ഗ്യ പ​ദ്ധ​തി​യിൽ അം​ഗ​ങ്ങ​ളാ​യു​ള്ള കൊ​ല്ലം, പ​ത്ത​നം​തി​ട്ട ജി​ല്ല​ക​ളി​ലെ കേ​ന്ദ്ര സർ​ക്കാർ ജീ​വ​ന​ക്കാ​രും സർ​വീ​സിൽ നി​ന്ന് പെൻ​ഷൻ പ​റ്റി​യ​വ​രു​മാ​യ ഗു​ണഭോ​ക്താ​ക്കൾ നി​ല​വിൽ പ​ദ്ധ​തി​ ആ​നു​കൂ​ല്യം ല​ഭി​ക്കാൻ അ​ന്യ​ജി​ല്ല​ക​ളി​ലേ​യ്​ക്ക് പോ​കേ​ണ്ട സാ​ഹ​ച​ര്യ​മാ​ണ്. കൊ​ല്ല​ത്ത് വെൽ​നെ​സ് സെന്റർ ആ​രം​ഭി​ച്ചാൽ മു​തിർ​ന്ന പൗ​ര​ന്മാർക്ക് ഏറെ സഹായകരമായിരിക്കുമെന്നും എം.പി പ​റ​ഞ്ഞു.