കുണ്ടറ : നിർത്തിയിട്ടിരുന്ന ടിപ്പറിൽ ബൈക്ക് ഇടിച്ച് ക്ഷേത്രപൂജാരി മരിച്ചു. മൺറോത്തുരുത്ത് പേഴുംതുരുത്ത് പടിഞ്ഞാറ്റെ വാലയിൽ വീട്ടിൽ ജിഷ്ണു (27) ആണ് മരിച്ചത്.
ഇന്നലെ രാവിലെ 5.30ന് വെള്ളിമൺ ഹയർ സെക്കൻഡറി സ്കൂളിന് സമീപത്തായിരുന്നു അപകടം. വെള്ളിമൺ ദുർഗാദേവീ ക്ഷേത്രത്തിൽ പൂജരിയാണ്. രാവിലെ ക്ഷേത്രത്തിലേയ്ക്ക് പോകുകയായിരുന്ന ജിഷ്ണുവിന്റെ ബൈക്ക് റോഡ് സൈഡിൽ നിർത്തിയിട്ടിരുന്ന ടിപ്പറിൽ ഇടിക്കുകയായിരുന്നു. പരിക്കേറ്റ ജിഷ്ണു അര മണിക്കൂറോളം റോഡിൽ കിടന്നതായി നാട്ടുകാർ പറഞ്ഞു. തുടർന്ന് കുണ്ടറ താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
പിതാവ്: വിജയൻ. മാതാവ്: സുപ്രഭ. ഭാര്യ: നീതു. മകൾ: ആര്യ കൃഷ്ണ.
കുണ്ടറ പൊലീസ് മേൽനടപടികൾ സ്വീകരിച്ചു.