കൊല്ലം: ശിവഗിരിയിലെ മഹാസമാധി ലക്ഷ്യമാക്കി നീങ്ങുന്ന തീർത്ഥാടന പദയാത്രകൾക്ക് ഊഷ്മള സ്വീകരണം നൽകി എസ്.എൻ.ഡി.പി യോഗം കൊല്ലം യൂണിയൻ. കുട്ടനാട് യൂണിയൻ, ആനപ്രമ്പാൽ വടക്ക് 197 -ാം നമ്പർ ഗുരുധർമ്മ പ്രചരണസഭ, 611-ാം നമ്പർ ശക്തികുളങ്ങര വടക്ക് ശാഖ, തിരുവല്ല യൂണിയനിലെ 100-ാം നമ്പർ മുത്തൂർ ശാഖ എന്നിവയുടെ ആഭിമുഖ്യത്തിലുള്ള പദയാത്രകളെയാണ് കൊല്ലത്ത് സ്വീകരിച്ചത്. യൂണിയൻ പ്രസിഡന്റ് മോഹൻ ശങ്കർ, സെക്രട്ടറി എൻ.രാജേന്ദ്രൻ, യോഗം കൗൺസിലർ പി.സുന്ദരൻ, വൈസ് പ്രസിഡന്റ് അഡ്വ. രാജീവ്കുഞ്ഞുകൃഷ്ണൻ, യോഗം ബോർഡ് മെമ്പർ എ.ഡി.രമേഷ്, കൗൺസിൽ അംഗങ്ങളായ അഡ്വ.കെ.ധർമ്മരാജൻ, നേതാജി ബി.രാജേന്ദ്രൻ, ബി.വിജയകുമാർ, പുണർതം പ്രദീപ്, ബി.പ്രതാപൻ, എം.സജീവ്, ഷാജി ദിവാകർ, യൂണിയൻ പഞ്ചായത്ത് അംഗങ്ങളായ ഇരവിപുരം സജീവൻ, അഡ്വ.എസ്.ഷാജി, ജി.രാജ്മോഹൻ, വനിതാസംഘം പ്രസിഡന്റ് ഡോ. എസ്.സുലേഖ, സെക്രട്ടറി ഷീലാനളിനാക്ഷൻ, മൈക്രോ ക്രെഡിറ്റ് കൺവീനർ ഡോ.മേഴ്സി ബാലചന്ദ്രൻ, യൂത്ത് മൂവ്മെന്റ് പ്രസിഡന്റ് രഞ്ജിത്ത് രവീന്ദ്രൻ, എസ്.എൻ ട്രസ്റ്റ് ബോർഡ് അംഗങ്ങൾ, വനിതാ സംഘം, യൂത്ത് മൂവ്മെന്റ്, ശ്രീനാരായണ എംപ്ലോയീസ് ഫോറം, ശ്രീനാരായണ പെൻഷണേഴ്സ് കൗൺസിൽ, സൈബർ സേന, ശാഖായോഗം ഭാരവാഹികൾ പ്രവർത്തകർ എന്നിവർ ചേർന്നാണ് സ്വീകരണം നൽകിയത്.