കൊല്ലം: ശിവഗിരിയിലെ മഹാസമാധി ലക്ഷ്യമാക്കി നീങ്ങുന്ന തീർത്ഥാടന പദയാത്രകൾക്ക് ഊഷ്മള സ്വീകരണം നൽകി എസ്.എൻ.ഡി.പി യോഗം കൊല്ലം യൂണിയൻ. പച്ചയിൽ സന്ദീപ് ക്യാപ്ടനായുള്ള കുട്ടനാട് സൗത്ത് യൂണിയൻ,​ തിരുവല്ല യൂണിയൻ,​ വൈക്കം യൂണിയൻ,​

പി.അനിരുദ്ധൻ ക്യാപ്ടനായുള്ള കോട്ടയം യൂണിയനിലെ 267-ാം നമ്പർ ചെങ്ങളം വടക്ക് ശാഖ എന്നിവയുടെ ആഭിമുഖ്യത്തിലുള്ള പദയാത്രകൾക്കാണ് കൊല്ലത്ത് സ്വീകരണം നൽകിയത്.

കൊല്ലം യൂണിയൻ പ്രസിഡന്റ് മോഹൻ ശങ്കർ, സെക്രട്ടറി എൻ.രാജേന്ദ്രൻ, യോഗം കൗൺസിലർ പി.സുന്ദരൻ, വൈസ് പ്രസിഡന്റ് അഡ്വ.രാജീവ്കുഞ്ഞുകൃഷ്ണൻ, യോഗം ബോർഡ് മെമ്പർ എ.ഡി.രമേഷ്, കൗൺസിൽ അംഗങ്ങളായ അഡ്വ.കെ.ധർമ്മരാജൻ, നേതാജി ബി.രാജേന്ദ്രൻ, ബി.വിജയകുമാർ, പുണർതം പ്രദീപ്, ബി.പ്രതാപൻ, എ.സജീവ്, ഷാജി ദിവാകർ, യൂണിയൻ പഞ്ചായത്ത് അംഗങ്ങളായ ഇരവിപുരം സജീവൻ, അഡ്വ.എസ്.ഷേണാജി,​ ജി.രാജമോഹൻ, വനിതാസംഘം പ്രസിഡന്റ് ഡോ.എസ്.സുലേഖ, സെക്രട്ടറി ഷീലാനളിനാക്ഷൻ, മൈക്രോ ക്രെഡിറ്റ് കൺവീനർ ഡോ.മേഴ്സി ബാലചന്ദ്രൻ, യൂത്ത് മൂവ്മെന്റ് പ്രസിഡന്റ് രഞ്ജിത്ത് രവീന്ദ്രൻ, എസ്.എൻ ട്രസ്റ്റ് ബോർഡ് അംഗങ്ങൾ, വനിതാസംഘം, യൂത്ത്മൂവ്മെന്റ്, ശ്രീനാരായണ എംപ്ലോയീസ് ഫോറം, ശ്രീനാരായണ പെൻഷണേഴ്സ് കൗൺസിൽ, സൈബർ സേന, ശാഖായോഗം ഭാരവാഹികൾ തുടങ്ങിയവർ ചേർന്നാണ് തീർത്ഥാടന പദയാത്രയ്ക്ക് സ്വീകരണം നൽകിയത്.