പുതുക്കാട്: വരാക്കര ഭഗവതി ക്ഷേത്രത്തിലെ അഷ്ടബന്ധ നവീകരണം സഹസ്രകലശം ഈമാസം 14 ന് നടക്കുമെന്ന് അഷ്ടബന്ധ നവീകരണം സഹസ്രകലശ കമ്മിറ്റി ഭാരവാഹികൾ വാർത്താ സമ്മേളനത്തിൽ അറിയിച്ചു. 6ന് ആരംഭിച്ചത് മുതൽ 13 വരെ നടക്കുന്ന ദേവീ ഭാഗവത പാരായണത്തിനും സഹസ്രകലശത്തിനും ക്ഷേത്രം തന്ത്രി ഡോ. കാരുമാത്ര വിജയനാണ് മുഖ്യകാർമികത്വം വഹിക്കുന്നത്. ദിവസവും പ്രഭാഷണം, അന്നദാനം എന്നിവയും ഉണ്ടാകും. 14ന് രാവിലെ കലശങ്ങളിൽ അധിവാസം വിടർത്തി പൂജ, തുടർന്ന് സഹസ്രകലശ പരികലശാഭിഷേക ആരംഭം, സപരിവാര പൂജ, ആചാര്യ ദക്ഷിണ, അമൃതഭോജനം, വലിയ ഗുരുതി, കളമെഴുത്തുപാട്ട്, മുടിയേറ്റ് എന്നിവയുണ്ടാകും. ദിവസവും ഭക്തർക്ക് വാഹനസൗകര്യം ഉണ്ടാകും. വാർത്താ സമ്മേളനത്തിൽ ഭാരവാഹികളായ സി.എം. സോമൻ, സി.കെ. ആനന്ദകുമാർ, കെ.ഡി. ഹരിദാസ്, സി.കെ. സുഗതൻ എന്നിവർ പങ്കെടുത്തു.