വർക്കല :ശ്രീകൃഷ്ണ നാട്യ സംഗീത അക്കാദമിയും എം.എസ്.സുബ്ബുലക്ഷ്മി ഫൗണ്ടേഷനും ചേർന്ന് സംഘടിപ്പിക്കുന്ന ഈ വർഷത്തെ എം.എസ്.സുബ്ബുലക്ഷ്മി സംഗീതോത്സവത്തിന് ഇന്ന് തിരി തെളിയും.വൈകിട്ട് 5ന് വർക്കല മൈതാനം എസ്.ആർ.മിനി ഒാഡിറ്റോറിയത്തിൽ അഡ്വ.വി.ജോയി എം.എൽ.എ ഉദ്ഘാടന കർമ്മം നിർവഹിക്കും. പ്രശസ്ത കർണ്ണാടക സംഗീതജ്ഞൻ നെയ്‌വേലി സന്താന ഗോപാലൻ ഭദ്രദീപം കൊളുത്തും.അക്കാദമി ഡയറക്ടർ ഡോ.എം.ജയപ്രകാശ് അധ്യക്ഷത വഹിക്കും.ഡോ.പി.ചന്ദ്രമോഹൻ എം.എസ്.സുബ്ബുലക്ഷ്മി അനുസ്മരണ പ്രഭാഷണം നടത്തും. സിനിമാതാരം ആർ.സുബ്ബലക്ഷ്മി, ഡോ.എം.ജയരാജു,ബി.ജോഷിബാസു,അക്കാദമി സെക്രട്ടറി അഡ്വ.എസ്.കൃഷ്ണകുമാർ,ആർ.സുലോചനൻ എന്നിവർ സംസാരിക്കും. തുടർന്ന് നെയ്‌വേലി സന്താന ഗോപാലൻ നയിക്കുന്ന സംഗീത കച്ചേരി നടക്കും.