ആറ്റിങ്ങൽ: ലഹരിക്കെതിരെ കേരളകൗമുദി ബോധപൗർണമി ക്ലബും എക്സൈസ് വകുപ്പുമായി ചേർന്ന് നടത്തുന്ന ബോധവത്കരണ സെമിനാർ ആറ്റിങ്ങലിൽ ഇന്ന് രാവിലെ 10.30ന് നടക്കും. ഗവൺമെന്റ് അവനവഞ്ചേരി സ്‌കൂളിൽ സംഘടിപ്പിക്കുന്ന സെമിനാർ ആറ്റിങ്ങൽ നഗരസഭാ ചെയർപേഴ്സൺ അഡ്വ.എസ്.കുമാരി ഉദ്ഘാടനം ചെയ്യും.

ഹെഡ്മാസ്റ്റർ ജി.എൽ.നിമി സ്വാഗതം ആശംസിക്കും. പി.ടി.എ പ്രസിഡന്റ് ടി.എൽ പ്രഭൻ അദ്ധ്യക്ഷത വഹിക്കുന്ന ചടങ്ങിൽ ബിഗ് ബോസ് ഫെയിം സീരിയൽതാരം മണികണ്ഠൻ തോന്നയ്ക്കൽ മുഖ്യാതിഥിയാകും. അസി.എക്സൈസ് കമ്മീഷണർ ജയരാജ് .പി.കെ ലഹരി വിരുദ്ധ സന്ദേശം നൽകും. ആറ്റിങ്ങൽ എസ്.എച്ച്.ഒ തൻസീം അബ്ദുൾ സമദ് മുഖ്യപ്രഭാഷണം നടത്തും. സ്റ്റാൻഡിംഗ് കമ്മിറ്റി ചെയർമാൻ അവനവഞ്ചേരി രാജു, സ്റ്റാൻഡിംഗ് കമ്മിറ്റി ചെയർപേഴ്സൺ രമ്യാ സുധീർ, കൗൺസിലർമാരായ ആർ.എസ്. അനൂപ്, കെ.ജെ. രവികുമാർ, എസ്.എം.സി ചെയർമാൻ കെ. ശ്രീകുമാർ, സ്റ്റാഫ് സെക്രട്ടറി ആർ.എസ്. സുജാറാണി എന്നിവർ സംസാരിക്കും.

കേരളകൗമുദി ലേഖകൻ സതീഷ് കണ്ണങ്കര, കേരളകൗമുദി അസിസ്റ്റന്റ് മാർക്കറ്റിംഗ് മാനേജർ രഞ്ജിത്ത് എന്നിവർ നന്ദി പറയും. ലഹരിക്കെതിരെ മികച്ച ബോധവത്കരണ പ്രവർത്തനം കാഴ്ചവച്ച അവനവഞ്ചേരി ഗവൺമന്റ് സ്‌കൂളിനും ലഹരി വിരുദ്ധ പ്രവർത്തനത്തിനെതിരെ സ്‌കൂളിലെതന്നെ സജീവ സാന്നിദ്ധ്യമായ അദ്ധ്യാപകൻ സാബു .എൻ, ബിസിനസ് രംഗത്ത് സജീവമായ രാജേന്ദ്രൻ അലുക്കോ, വിദ്യാഭ്യാസരംഗത്ത് മികച്ച പ്രവർത്തനങ്ങൾ കാഴ്ചവച്ച ആറ്റിങ്ങൽ ടാൻഡം എം.ഡി ഡോ.ബി.രാധാകൃഷ്ണൻ, കവിയും അദ്ധ്യാപകനുമായ കവലയൂർ എസ്. താണുവൻ ആചാരി, ജീവകാരുണ്യ പ്രവർത്തനങ്ങളിൽ സജീവ സാന്നിദ്ധ്യമായ എൻജിനിയർ എൻ.രവീന്ദ്രൻ നായർ, അജിൽ മണിമുത്ത്, ഡോ. കിഴക്കില്ലം രാജേഷ് നമ്പൂതിരി എന്നിവരെ ആദരിക്കും.