തിരുവനന്തപുരം: സംസ്ഥാനത്ത് ബുധനാഴ്ച വരെ ഒറ്രപ്പെട്ട ശക്തമായ മഴ തുടരും. തമിഴ്നാട്ടിൽ കരകയറിയ മാൻഡസ് ചുഴലിക്കാറ്റ് ചക്രവാതച്ചുഴിയായി രൂപപ്പെട്ട് വടക്കൻ കേരള, കർണാടക തീരം വഴി തെക്കുകിഴക്കൻ അറബിക്കടലിൽ പ്രവേശിച്ച സാഹചര്യത്തിലാണിത്.

മദ്ധ്യ ജില്ലകളിലാണ് കൂടുതൽ ശക്തമാകുന്നത്. തെക്കൻ ജില്ലകളിൽ ഇടവിട്ട് മഴ ലഭിക്കും. ബുധനാഴ്ചയോടെ ചക്രവാതച്ചുഴി ന്യൂനമർദ്ദമായി ശക്തി പ്രാപിച്ച് ഇന്ത്യൻ തീരത്ത് നിന്ന് അകലുന്നതോടെ മഴ കുറയും. ആലപ്പുഴ, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം ജില്ലകളിൽ ഇന്ന് യെല്ലോ അലർട്ട്. കേരള,​ കർണാടക,​ ലക്ഷദ്വീപ് തീരങ്ങളിൽ മത്സ്യബന്ധനം പാടില്ല.