തിരുവനന്തപുരം; ട്രെയിനിൽ കടത്താൻ ശ്രമിച്ച എട്ടുകിലോ കഞ്ചാവ് എക്സൈസ് എൻഫോഴ്‌സ്‌മെന്റ് ആൻഡ് ആന്റി നാർക്കോട്ടിക് സ്പെഷ്യൽ സ്‌ക്വാഡിന്റെ നേതൃത്വത്തിൽ പിടികൂടി. തമ്പാനൂർ റെയിൽവേ സ്റ്റേഷനിൽ മൂന്നാം നമ്പർ പ്ലാറ്റ്‌ഫോമിൽ നിറുത്തിയിട്ടിരുന്ന ഹസറത്ത്‌ നിസാമുദ്ദിൻ ട്രെയിനിന്റെ ജനറൽ കോച്ചിൽ സീറ്റിനടിയിലായി രഹസ്യമായി 4 പൊതികളിലായി സൂക്ഷിച്ച 8.215 കിലോ ഗ്രാം കഞ്ചാവാണ് പിടിച്ചെടുത്തത്.കഞ്ചാവ് കടത്തികൊണ്ട് വന്നയാളിനായി അന്വേഷണം ആരംഭിച്ചു.പരിശോധന ശക്തമാക്കിയിട്ടുള്ളതായി എക്സൈസ് സർക്കിൾ ഇൻസ്‌പെക്ടർ ബി.എൽ.ഷിബു അറിയിച്ചു.പ്രിവന്റീവ് ഓഫീസർ സന്തോഷ് കുമാർ,അനിൽ കുമാർ .എം,സിവിൽ എക്സൈസ് ഓഫീസർമാരായ സുരേഷ് ബാബു,ആരോമൽ രാജൻ,അക്ഷയ് സുരേഷ്, വനിതാ സിവിൽ എക്സൈസ് ഓഫീസർ മഞ്ജു വർഗീസ്,ആർ.പി.എഫ് സബ് ഇൻസ്‌പെക്ടർമാരായ പി. ഗോപാലകൃഷ്ണൻ,എം.അനിൽകുമാർ,ഹെഡ് കോൺസ്റ്റബിൾ സുധീഷ് കുമാർ,നിമോഷ്,കോൺസ്റ്റബിൾ പ്രവീൺ രാജ്,വനിതാ കോൺസ്റ്റബിൾ സൗമ്യ എന്നിവർ പരിശോധനാ സംഘത്തിലുണ്ടായിരുന്നു.ക്രിസ്മസ് ന്യൂ ഇയർ സ്പെഷ്യൽ ഡ്രൈവിന്റെ ഭാഗമായാണ് പരിശോധന നടത്തിയത്.