കിളിമാനൂർ: കിളിമാനൂർ പഞ്ചായത്തിലെ തൊഴിലുറപ്പ് പദ്ധതിയിൽ അഴിമതി നടത്തി പണം കൈപ്പറ്റിയ കേസിൽ ഓംബുഡ്സ്മാൻ ശിക്ഷിച്ച കോൺ​ഗ്രസ് പഞ്ചായത്തം​ഗം രാജിവയ്ക്കണമെന്നാവശ്യപ്പെട്ടും, പഞ്ചായത്തിലെ തൊഴിലുറപ്പ് പദ്ധതി സുതാര്യമായി നടത്തണമെന്നാവശ്യപ്പെട്ടും വിവിധ സംഘടനകളുടെ സമരം പുരോ​ഗമിക്കുന്നു. കർഷകസംഘം, കർഷക തൊഴിലാളി യൂണിയൻ സംയുക്തമായി നടത്തിയ മാർച്ചും ധർണയും സി.പി.എം ഏരിയാ സെക്രട്ടറിയും കർഷകസംഘം ജില്ലാ വൈസ് പ്രസിഡന്റുമായ തട്ടത്തുമല ജയചന്ദ്രൻ ഉദ്ഘാടനം ചെയ്തു. ജി.രഘുനാഥൻ അദ്ധ്യക്ഷനായി.കർഷകസംഘം ഏരിയാ സെക്രട്ടറി വി.ബിനു, കെ.എസ്.കെ.ടി.യു ജില്ലാകമ്മിറ്റിയം​ഗം ജി.വിക്രമൻ,സി.പി.എം ലോക്കൽ സെക്രട്ടറി ബി.പ്രേമചന്ദ്രൻ തുടങ്ങിയവർ സംസാരിച്ചു.വി.ശശിധരൻപിള്ള സ്വാ​ഗതം പറഞ്ഞു.