തിരുവനന്തപുരം: ഒരു സിനിമ പ്രദർശനത്തിനായി എത്തിക്കഴിഞ്ഞാൽ അതിന്റെ ഉടമ പ്രേക്ഷകനാണെന്ന് സംവിധായകൻ ജി.രാരിഷ് അഭിപ്രായപ്പെട്ടു.സിനിമയുടെ വാണിജ്യപരമായ അവകാശി നിർമ്മാതാവാണെങ്കിലും ഉടമ പ്രേക്ഷകനാണ്.പ്രദർശനം തുടങ്ങിക്കഴിഞ്ഞാൽ സിനിമയാണ് സംസാരിക്കേണ്ടത്,അണിയറപ്രവർത്തകരല്ലെന്നും അദ്ദേഹം പറഞ്ഞു.രാജ്യാന്തര ചലച്ചിത്ര മേളയിൽ മീറ്റ് ദി ഡയറക്ടർ പരിപാടിയിൽ സംസാരിക്കുകയായിരുന്നു അദ്ദേഹം. വനിതാ സംവിധായകരെ ജനങ്ങൾ ഗൗരവത്തിൽ എടുക്കുന്നില്ലെന്നും സ്ത്രീപക്ഷ സിനിമകൾ മാത്രമേ എടുക്കൂവെന്ന മുൻവിധി സമൂഹത്തിനുണ്ടെന്നും സംവിധായികയായ കുഞ്ഞില മാസിലാമണി പറഞ്ഞു.സിനിമ സ്വപ്നം കാണുന്ന ധാരാളം പേർക്ക് സഹകരണ കൂട്ടായ്മകൾ അനുഗ്രഹമാണെന്ന് ഏക്‌താര കളക്ടീവ് അംഗം റിഞ്ചിൻ പറഞ്ഞു.ജിയോ ബേബി,അഖിൽ അനിൽകുമാർ,ഫ്രാൻസിസ് ലൂയിസ്,സന്തോഷ് ബാബുസേനൻ,സതീഷ് ബാബുസേനൻ,അമൽ പ്രാസി,മാഹീൻ മിശ്ര,മുസ്‌ക്കാൻ,മീരാ സാഹിബ് എന്നിവർ പരിപാടിയിൽ പങ്കെടുത്തു.