കിളിമാനൂർ: തൊഴിലുറപ്പ് പദ്ധതിയിൽ അനധികൃതമായി ഒപ്പിട്ട് പണം കൈപ്പറ്റിയതായി ഓംബുഡ്സ്മാൻ കണ്ടെത്തിയ കിളിമാനൂർ പഞ്ചായത്ത് ഏഴാം വാർഡംഗം ജി.ബിന്ദുവിന്റെ രാജി ആവശ്യപ്പെട്ടും പഞ്ചായത്തിൽ യു.ഡി.എഫിന്റെ അഴിമതി ആരോപിച്ചും സമരപരിപാടികൾ .കഴിഞ്ഞ ദിവസം പഞ്ചായത്ത് ഓഫീസിന് മുന്നിൽ സി.പി.എം കിളിമാനൂർ ലോക്കൽകമ്മിറ്റി മാർച്ചും ധർണയും നടത്തി. ഒ. എസ്.അംബിക എം.എൽ.എ ഉദ്ഘാടനം ചെയ്തു. ലോക്കൽ കമ്മിറ്റിയംഗം കെ .ആർ . ദാമോദരൻപിള്ള അദ്ധ്യക്ഷനായി.മഹിളാ അസോസിയേഷൻ ജില്ലാ സെക്രട്ടറി ശ്രീജാ ഷൈജു ദേവ്,സി.പി.എം ഏരിയാ കമ്മിറ്റിയംഗം എം.ഷാജഹാൻ,എൻ.പ്രകാശ്, സി.പി.എം ലോക്കൽ സെക്രട്ടറി ബി. പ്രേമചന്ദ്രൻ , കെ.ജി.പ്രിൻസ് എന്നിവർ സംസാരിച്ചു.