തിരുവനന്തപുരം : ആരോഗ്യ രംഗത്തെ മികച്ച പ്രകടനം കാഴ്ചവച്ച സംസ്ഥാനത്തിനുള്ള 2022ലെ ഇന്ത്യാ ടുഡേ അവാർഡ് കേരളത്തിന്. പൊതുജനാരോഗ്യ രംഗത്ത് കേരളം നടത്തുന്ന മികച്ച പ്രവർത്തനങ്ങൾക്കാണ് അംഗീകാരം. 183.8 സ്‌കോർ നേടിയാണ് ഒന്നാം സ്ഥാനത്തെത്തിയത്.

ദേശീയ ശരാശരിയുടെ മൂന്നിരട്ടിയിലധികം തുക ചെലവഴിച്ച് ആരോഗ്യ പരിരക്ഷാ ശൃംഖല സൃഷ്ടിച്ച് മികച്ച പ്രകടനം കാഴ്ചവയ്ക്കുന്ന സംസ്ഥാനമായി കേരളം ഉയർന്നുവെന്ന് ഇന്ത്യാ ടുഡേ വിലയിരുത്തുന്നു, കുറഞ്ഞ മാതൃമരണ നിരക്ക്, ഒരു ലക്ഷം പേർക്ക് എന്ന കണക്കിൽ രജിസ്റ്റർ ചെയ്ത ഡോക്ടർമാരും സർക്കാർ ആശുപത്രികളും, ഓരോ സർക്കാർ ആശുപത്രിയിലെയും കിടക്കകൾ, ആയുർദൈർഘ്യം എന്നിങ്ങനെയുള്ള വിവിധ ഘടകങ്ങൾ അടിസ്ഥാനമാക്കിയാണ് വിലയിരുത്തൽ. ജനങ്ങൾക്ക് ഏറ്റവും മികച്ച ആരോഗ്യ പരിരക്ഷ നൽകുന്നതിന് പ്രതിജ്ഞാബദ്ധമാണെന്ന് മന്ത്രി വീണാ ജോർജ് പറഞ്ഞു.