തിരുവനന്തപുരം: ലോകകപ്പ് ഫുട്‌ബാൾ മത്സരത്തിൽ ഏറ്റവും അമൂല്യമായ നേട്ടം കൈവരിച്ചാണ് ലയണൽ മെസി അർജന്റീനയെ വിജയത്തിലേക്കു നയിച്ചതെന്ന് മുഖ്യമന്ത്രി പിണറായി വിജയൻ ഫേസ്ബുക്കിൽ കുറിച്ചു. പിന്നിൽ നിന്നു തിരിച്ചുവന്നു പൊരുതിയ ഫ്രാൻസ് ഫൈനൽ മത്സരം ആവേശോജ്ജ്വലമാക്കി. ഫുട്‌ബാൾ എന്ന മനോഹരമായ കളിയുടെ അതുല്യ ആവിഷ്‌കാരങ്ങളാണ് ടൂർണമെന്റിലുടനീളം കണ്ടത്. പങ്കെടുത്ത എല്ലാവർക്കും ആശംസകൾ. അടുത്ത ലോകകപ്പിനായി ഫുട്‌ബാൾ പ്രേമികൾക്കു കാത്തിരിക്കാമെന്നും മുഖ്യമന്ത്രി പറഞ്ഞു.