ബാലരാമപുരം: കാഞ്ഞിരംകുളം ചൈതന്യ ഫാമിലി ക്ലബ്‌ സംഘടിപ്പിച്ച ഭക്ഷ്യസുരക്ഷാ സെമിനാർ കാഞ്ഞിരംകുളം ഗ്രാമപഞ്ചായത്ത് പ്രസിഡന്റ് ശൈലജകുമാരി ഉദ്ഘാടനം ചെയ്തു. ശകുന്തള അദ്ധ്യക്ഷത വഹിച്ചു. സേഫ്ടി ഓഫീസർ ഡോ.ഗോപിക മുഖ്യപ്രഭാഷണം നടത്തി. അഡ്വ. ലളിതാഭായി,​ മഞ്ജു ശിവകുമാർ,​ മഞ്ജു സുനിൽ എന്നിവർ സംസാരിച്ചു. ചൈതന്യ ഫാമിലി ക്ലബ് സംഘടിപ്പിച്ച കേക്ക് നിർമ്മാണ പരിശീലന ക്ലാസ് മഞ്ജു ശിവകുമാർ ഉദ്ഘാടനം ചെയ്തു. ക്ലബ് 2023 ലെ കലണ്ടറിന്റെ പ്രകാശനം ആശ്വാസ് ഗ്രൂപ്പ് ചെയർമാൻ ബൈജു നിർവഹിച്ചു. ക്ലബ് പ്രസിഡന്റ് എൻ.എൽ.ശിവകുമാർ,​ സെക്രട്ടറി ഡോ.എസ്.മോഹനചന്ദ്രൻ തുടങ്ങിയവർ പങ്കെടുത്തു.