തിരുവനന്തപുരം: വിഴിഞ്ഞം പുളിങ്കുടി റൂറൽ എ.ആർ ക്യാമ്പിലെ ഗ്രേഡ് എ.എസ്‌.ഐ ബാലകൃഷ്ണനെ (52) കാണാനില്ലെന്ന് പരാതി. കഴിഞ്ഞ ദിവസം ഡ്യൂട്ടി കഴിഞ്ഞ് ഇറങ്ങിയ ഇദ്ദേഹം വീട്ടിൽ തിരിച്ചെത്തിയില്ല. തുടർന്ന് മകൻ പൂജപ്പുര സ്റ്റേഷനിൽ പരാതി നൽകി. കുടുംബവുമൊത്ത് താമസിക്കുന്ന പൂജപ്പുര പൊലീസ് ക്വാർട്ടേഴ്സിലേക്ക് പോവുകയാണെന്നാണ് ബാലകൃഷ്‌ണൻ സഹപ്രവർത്തകരോട് പറഞ്ഞത്. തന്റെ സാമ്പത്തിക പ്രയാസങ്ങളെക്കുറിച്ച് വിവരിക്കുന്ന ഒരു കത്ത് നേരത്തേ അദ്ദേഹം എ.ആർ ക്യാമ്പിലെ കമൻഡാന്റിന് അയച്ചിരുന്നു. പൂജപ്പുര പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.