വർക്കല: 90-ാമത് ശിവഗിരി തീർത്ഥാടനത്തോടനുബന്ധിച്ചു ശിവഗിരി സംരക്ഷണ സംഘത്തിന്റെ നേതൃത്വത്തിലുള്ള വിളംബര ഘോഷയാത്ര ഇന്ന് നടക്കും. വൈകിട്ട് 3ന് വർക്കല റെയിൽവേ സ്റ്റേഷൻ പരിസരത്ത് നിന്ന് ആരംഭിക്കുന്ന വിളംബര ഘോഷയാത്ര തീർത്ഥാടന സെക്രട്ടറി സ്വാമി വിശാലാനന്ദ ഫ്ലാഗ് ഓഫ് ചെയ്യും.

ശിവഗിരി സംരക്ഷണ സംഘം ചെയർമാൻ വിജേന്ദ്രകുമാർ നേതൃത്വം നൽകുന്ന ഘോഷയാത്രയിൽ ശിവഗിരി മഠത്തിലെ സന്യാസി വര്യന്മാർ, ജനറൽ സെക്രട്ടറി പ്രസന്നൻ വൈഷ്ണവ്, ട്രഷറർ നടരാജൻ വയലാ, കൂട്ടിൽ രാജേന്ദ്രൻ, പ്രതിഭാ അശോകൻ, സുവർണ കുമാർ, വൈസ് ചെയർമാൻ ശ്രീപാദം ശ്രീകുമാർ, റോയി അർജ്ജുൻ,​ എക്സിക്യൂട്ടീവ് സെക്രട്ടറിമാരായ സുനിൽ സോമൻ, ജനറൽ കോ ഓർഡിനേറ്റർ സുഷമ വിജയലക്ഷ്മി, സെക്രട്ടറിമാരായ വക്കം അജിത്ത്, സുനിൽകുമാർ തുടങ്ങിയവർ നേതൃത്വം നൽകും. വിവിധ വാദ്യഘോഷങ്ങളോടെ നൂറുകണക്കിന് ഭക്തജനങ്ങളും ശിവഗിരി സംരക്ഷണസംഘം അംഗങ്ങളും പങ്കെടുക്കുന്ന ഘോഷയാത്ര വൈകിട്ട് 5ഓടെ മഹാസമാധിയിൽ എത്തിച്ചേരും.