തിരുവനന്തപുരം: സാമൂഹ്യസുരക്ഷാ പെൻഷൻ ക്രിസ്മസിന് ഒട്ടുമുക്കാൽ പേർക്കും മുടങ്ങിയെന്ന് പരാതി. സാമ്പത്തികബുദ്ധിട്ട് കാരണം ധനവകുപ്പ് തുക അനുവദിക്കാൻ വൈകിയതാണ് കാരണം. ഒക്ടോബർ,നവംബർ മാസത്തെ പെൻഷൻ ഒരുമിച്ചാണ് ഡിസംബറിൽ കിട്ടേണ്ടത്.

ഡിസംബർ അഞ്ചിന് വിതരണം തുടങ്ങി 15ന് പൂർത്തിയാക്കാനാണ് ധനവകുപ്പ് ഉത്തരവിട്ടത്. എന്നാൽ,​​ തുക സോഷ്യൽ സെക്യൂരിറ്റി പെൻഷൻ കമ്പനിവഴി പഞ്ചായത്ത് ഡയറക്ടർക്ക് നൽകിയത് 15ന് വൈകുന്നേരം മാത്രം. അതേസമയം, രണ്ടായിരത്തോളം പേർക്ക് മാത്രമേ പെൻഷൻ കിട്ടാനുള്ളൂവെന്നും ഒരാഴ്ചയ്ക്കുള്ളിൽ എല്ലാവർക്കും നൽകുമെന്നും ധനമന്ത്രിയുടെ ഓഫീസ് പറയുന്നു.