ആറ്റിങ്ങൽ: ശിവഗിരി തീർത്ഥാടകർക്ക് സ്വീകരണം നൽകാൻ വിപുലമായ ഒരുക്കങ്ങളുമായി എസ്.എൻ.ഡി.പി യോഗം വടശേരിക്കോണം ശാഖ. കഴിഞ്ഞ ദിവസം ശാഖാ അംഗങ്ങളുടെയും, പൊതുജനങ്ങളുടെയും,​വിവിധ സംഘടനകളുടെയും നേതൃത്വത്തിൽ നടന്ന സംയുക്ത യോഗത്തിലാണ് തീരുമാനം. ശാഖാ പ്രസിഡന്റ് ബി.സാബു അദ്ധ്യക്ഷത വഹിച്ചു. വടശേരിക്കോണവും പരിസര പ്രദേശങ്ങളിലും ദീപാലങ്കാരങ്ങളും, കൊടിത്തോരണങ്ങളും കൊണ്ട് അലങ്കരിക്കും.

ദേശീയപാതയിൽ കല്ലമ്പലത്തിനും ശിവഗിരിക്കും മദ്ധ്യ പ്രധാന ഇടത്താവളമാണ് വടശേരിക്കോണം. 30ന് തീർത്ഥാടകർക്ക് ഭക്ഷണപ്പൊതികൾ വിതരണം ചെയ്യും.വിവിധ അനാഥാലയങ്ങളിലും ഭക്ഷണപ്പൊതികൾ നൽകും.സംഘാടക സമിതി ഭാരവാഹികളായി ചിന്തൂ പ്രസാദ് (ചെയർമാൻ),​ ശ്രീജിത്ത് (ജനറൽ കൺവീനർ),​ അനിൽകുമാർ (ട്രഷറർ) എന്നിവരെ തിരഞ്ഞെടുത്തു. ഭക്ഷണപ്പൊതികൾ ആവശ്യമുള്ളവർ 9995679131,9567178220,9495405560 എന്നീ നമ്പരുകളിൽ അറിയിക്കണം.