കുണ്ടറ : നിർത്തിയിട്ടിരുന്ന ടിപ്പറിൽ ബൈക്കിടിച്ച് വെള്ളിമൺ ദുർഗാദേവി ക്ഷേത്ര പൂജാരി മൺറോത്തുരുത്ത് പേഴുംതുരുത്ത് പടിഞ്ഞാറ്റെ വാലയിൽ വീട്ടിൽ ജിഷ്ണു (27) മരിച്ചു.ഇന്നലെ രാവിലെ 5.30ന് വെള്ളിമൺ ഹയർ സെക്കൻഡറി സ്കൂളിന് സമീപത്തായിരുന്നു അപകടം. ക്ഷേത്രത്തിലേക്ക് പോകുകയായിരുന്നു. പരിക്കേറ്റ ജിഷ്ണു അര മണിക്കൂറോളം റോഡിൽ കിടന്നു. തുടർന്ന് കുണ്ടറ താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
പിതാവ്: വിജയൻ. മാതാവ്: സുപ്രഭ. ഭാര്യ: നീതു. മകൾ: ആര്യ കൃഷ്ണ.