ചോറ്റാനിക്കര: ചോറ്റാനിക്കര പൊലീസ് സ്റ്റേഷനിലെ ഗ്രേഡ് എസ്.ഐ മങ്ങാട്ടൂർ കോടിയാട്ട് ഏലിയാസ് (53) ജോലിക്കിടെ കുഴഞ്ഞുവീണ് മരിച്ചു. ഇന്നലെ രാവിലെ 8ന് പുത്തൻകുരിശ് ഡിവൈ.എസ്.പി ഓഫീസിൽ റിപ്പോർട്ട് ചെയ്യാനെത്തിയപ്പോൾ ജീപ്പിനു സമീപം കുഴഞ്ഞു വീഴുകയായിരുന്നു. സഹപ്രവർത്തകർ ഉടൻ ഡിവൈ.എസ്.പിയുടെ വാഹനത്തിൽ കോലഞ്ചേരി മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.ഭാര്യ: ജോളി (മൃഗസംരക്ഷണ വകുപ്പ്). മക്കൾ: സാഗർ ഏലിയാസ്, സിറിൽ ഏലിയാസ് (വിദ്യാർത്ഥികൾ).