വെള്ളറട: തെക്കൻ കുരിശുമല തീർത്ഥാടന കേന്ദ്രത്തിൽ ആരംഭിച്ച ക്രിസ്മസ് ഫെസ്റ്റിന്റെ ദീപാലങ്കാരങ്ങളുടെ സ്വിച്ച് ഓൺ കർമ്മം കുരിശുമല ഡയറക്ടർ ഡോ.വിൻസെന്റ് കെ.പീറ്റർ നിർവഹിച്ചു. തുടർന്ന് ദിവ്യബലി നടന്നു. ഫെസ്റ്റ് 31ന് സമാപിക്കും. 'സന്മനസുള്ളവർക്ക് സമാധാനം' എന്നതാണ് ഈ വർഷത്തെ സന്ദേശം. ആഘോഷങ്ങളുടെ ഭാഗമായി സമാധാന സന്ദേശ റാലിയും നടന്നു. വിവിധ രാഷ്ട്രീയ സാംസ്കാരിക മതപ്രതിനിധികൾ പങ്കെടുക്കുന്ന സാഹോദര്യ സംഗമം വിവിധ മത്സരങ്ങൾ,​ സംഗീത വിരുന്നുകൾ,നൃത്തനൃത്യങ്ങൾ,ലഘു നാടകങ്ങൾ തുടങ്ങിയവയും നടക്കും. കുരിശുമലയിൽ ദീർഘകാലം സേവനം ചെയ്ത് പൗരോഹിത്യത്തിന്റെ സുവർണ ജൂബിലിയുടെ നിറവിൽ നിൽക്കുന്ന ഫാ.പി.ഇഗ്നേഷ്യസിനെ ഫെസ്റ്റിന്റെ ഭാഗമായി ആദരിക്കും.