തിരുവനന്തപുരം: സംസ്ഥാനത്ത് ഇന്നും നാളെയും ഒറ്റപ്പെട്ട ശക്തമായ മഴ ലഭിക്കും.ബംഗാൾ ഉൾക്കടലിലെ ന്യൂനമർദ്ദത്തിന്റെ ഭാഗമായി തെക്കൻ ജില്ലകളിൽ ശക്തമായ മഴയ്ക്ക് സാദ്ധ്യത.മദ്ധ്യവടക്കൻ ജില്ലകളിൽ ഇടത്തരം മഴയും ലഭിക്കും.നാളെ കഴിഞ്ഞ് ന്യൂനമർദ്ദത്തിന്റെ ശക്തി കുറയുന്നതോടെ മഴയുടെ ശക്തിയും കുറയും.കാലാവസ്ഥ കേന്ദ്രം അലർട്ട് പ്രഖ്യാപിച്ചിട്ടില്ല.തെക്കൻ ജില്ലകളിലെ തീരങ്ങളിൽ ഉയർന്ന തിരമാലയ്ക്കും കടൽക്ഷോഭത്തിനും സാദ്ധ്യതയുള്ളതിനാൽ മത്സ്യബന്ധനം പാടില്ല.