തിരുവനന്തപുരം: സുനാമി ദുരന്തത്തിന്റെ 18ാം വാർഷികദിനത്തിൽ റെയിൻബോ എന്ന സംഘടനയുടെ നേതൃത്വത്തിൽ കവടിയാർ വിവേകാനന്ദ പാർക്കിൽ പ്രാർത്ഥനാ സംഗമം സംഘടിപ്പിച്ചു.പ്രേംനസീർ സുഹൃത് സമിതിയുടെ സഹകരണത്തോടെ സംഘടിപ്പിച്ച പരിപാടി ശാന്തിഗിരി ആശ്രമം ജനറൽ സെക്രട്ടറി സ്വാമി ഗുരുരത്നം ജ്ഞാന തപസ്വി ഉദ്ഘാടനം ചെയ്തു. ഏകലവ്യാശ്രമം മഠാധിപതി സ്വാമി അശ്വതി തിരുനാൾ അദ്ധ്യക്ഷത വഹിച്ചു.ഓർത്തഡോക്സ് സഭ ബിഷപ്പ് ഗബ്രിയേൽ മാർ ഗ്രിഗോറിയോസ്,കെ.എം.ഐ.എഫ് സംസ്ഥാന പ്രസിഡന്റ് ഇലവുപാലം ഷംസുദീൻ മന്നാനി,ലൂഥറൻ സഭ ബിഷപ്പ് റോബിൻസൺ അഡ്വ.പ്രേംദാസ് യഹൂദി,​അഡ്വ.വി.എസ്.ഹരീന്ദ്രനാഥ്,ഫാദർ ഷാജികുമാർ,പ്രേംനസീർ സുഹൃത് സമിതി പ്രസിഡന്റ് പനച്ചമൂട് ഷാജഹാൻ,ഡോ.വേലായുധൻ,ഗാന്ധി സ്മാരക നിധി ചെയർമാൻ ഡോ.രാധാകൃഷ്ണൻ, ഉബൈസ് പീസ് ഫൗണ്ടേഷൻ ചെയർമാൻ ഉബൈസ്,നിംസ് ജനറൽ മാനേജർ ഡോ.കെ.എ.സജു,ഡോ.ജയദേവൻ,ചാല മുജീബ്, സ്വാമി അശ്വതി ലക്ഷ്മി,സ്വാമി രാധ,അജയ് വെള്ളരിപ്പണ,ഋഷിമംഗലം ശങ്കർ,ബദർനിസ പനച്ചമൂട് തുടങ്ങിയവർ സംസാരിച്ചു.