മൂപ്പൈനാട്:മൂപ്പൈനാട് ഗ്രാമപഞ്ചായത്തിന്റെ നേതൃത്വത്തിൽ അങ്കണവാടി കലോത്സവം 'സർഗോത്സവം' സംഘടിപ്പിച്ചു. റിപ്പൺ 52 സെന്റ് ജോസഫ്സ് ചർച്ച് ഹാളിൽ മൂപ്പൈനാട് ഗ്രാമ പഞ്ചായത്ത് പ്രസിഡന്റ് എ.കെ.റഫീഖ് ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് അജിത ചന്ദ്രൻ അദ്ധ്യക്ഷത വഹിച്ചു. പഞ്ചായത്ത് പരിധിയിലെ 23 അങ്കണവാടികളിൽ നിന്നുമായി 275 കുട്ടികൾ പരിപാടികൾ അവതരിപ്പിച്ചു. അങ്കണവാടി കുട്ടികളുടെ ചിത്രരചന പ്രദർശനവും നടന്നു. മൂപ്പൈനാട് ഗ്രാമപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ യശോദ ചന്ദ്രൻ, വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ആർ.ഉണ്ണികൃഷ്ണൻ, ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ പി.കെ.സാലിം, പഞ്ചായത്ത് സെക്രട്ടറി ബി.എൻ.ഷാജു, ഫാ.സണ്ണി കൊള്ളാർതോട്ടം, തുടങ്ങിയവർ പങ്കെടുത്തു.