മാന്നാർ : എസ്.എൻ.ഡി.പി യൂത്ത് മൂവ്മെന്റ് യൂണിയന്റെ ആഭിമുഖ്യത്തിൽ നാളെ കുട്ടംപേരൂർ ഔവേഴ്സ് ക്ലബ് ക്രിക്കറ്റ് ഗ്രൗണ്ടിൽ കൗണ്ടി ക്രിക്കറ്റ് ടൂർണമെന്റ് നടക്കും. രാവിലെ 10 ന് ടൂർണമെന്റ് ഉദ്ഘാടനം യൂണിയൻ കൺവീനർ അനിൽ.പി.ശ്രീരംഗം നിർവഹിക്കും. യൂത്ത്മൂവ്മെന്റ് യൂണിയൻ വൈസ് ചെയർമാൻ സന്തോഷ് കാരാഴ്മ അദ്ധ്യക്ഷത വഹിക്കുന്ന ചടങ്ങിൽ യൂണിയൻ അഡ്.കമ്മിറ്റി അംഗങ്ങളായ ഹരിപാലമൂട്ടിൽ, നുന്നു പ്രകാശ്, പുഷ്പ ശശികുമാർ എന്നിവർ സംസാരിക്കും. യൂത്ത് മൂവ്മെന്റ് യൂണിയൻ കൺവീനർ ബിനു രാജ് സ്വാഗതവും ജോയിന്റ് കൺവീനർ മോജിഷ് മോഹൻ നന്ദിയും പറയും. യൂത്ത് മൂവ്മെന്റ് മേഖലാ കമ്മിറ്റികളുടെ നേതൃത്വത്തിലുള്ള ടീമുകളാണ് മത്സരത്തിൽ പങ്കെടുക്കുന്നത്. വൈകിട്ട് 5 ന് വിജയികൾക്കുള്ള ട്രോഫികൾ യൂണിയൻ ചെയർമാൻ ഡോ. എം.പി.വിജയകുമാർ നൽകും.