അമ്പലപ്പുഴ: തുമ്പോളി കുരിശടിയിൽ അബോധാവസ്ഥയിൽ കണ്ട വയോധികനെ ശാന്തി ഭവനിൽ എത്തിച്ചു.തുമ്പോളി സ്വദേശിയായ വർഗീസ് എന്ന 70 കാരനെയാണ് പുന്നപ്ര ശാന്തി ഭവനിൽ എത്തിച്ചത്.തുമ്പോളി പള്ളിയിൽ പ്രാർത്ഥനക്കെത്തിയ ശാന്തി ഭവൻ മാനേജിംഗ് ട്രസ്റ്റി ബ്രദർ മാത്യു ആൽബിൻ വയോധികൻ ബോധരഹിതനായി കുരിശടിയിൽ കിടക്കുന്നതു കാണുകയും, തന്റെ വാഹനത്തിൽ ശാന്തി ഭവനിൽ എത്തിച്ച് ശുശ്രൂഷ നൽകുകയുമായിരുന്നു. ബന്ധുക്കൾ തിരിഞ്ഞു നോക്കാത്തതിനെ തുടർന്നാണ് കുരിശടിയിൽ കിടന്നതെന്ന് വയോധികൻ പറയുന്നു.