ഹരിപ്പാട് : ഡാണാപ്പടി പാലത്തിന് സമീപം ഒമ്‌നി വാൻ ഇടിച്ച് സ്കൂട്ടർ യാത്രക്കാരൻ മരിച്ചു. മഹാദേവികാട് മീനത്തുമൂലയിൽ പരേതനായ കുശന്റെയും ജലജയുടെയും മകൻ രജീഷ് (33) ആണ് മരിച്ചത്. ഇന്നലെ ഉച്ചയ്ക്ക് 2.30 ഓടെയായിരുന്നു അപകടം. ഷാർജയിൽ ജോലി ചെയ്തി​രുന്ന രജീഷ് പുതിയ കമ്പനിയിൽ ജോലി​ക്ക് കയറുന്നതിന് മുന്നോടി​യായാണ് രണ്ടാഴ്ചക്ക് മുമ്പ് നാട്ടിൽ വന്നത്. വീട്ടിൽ തടി മെഷീൻവാൾ ഉപയോഗിച്ച് മുറിച്ച് കൊണ്ടിരിക്കെ വാളിന്റെ ചോക്ക് കേടായതി​നെത്തുടർന്ന് അത് നന്നാക്കാൻ പോകും വഴിയായിരുന്നു അപകടം. ഭാര്യ: ജിതുമോൾ. മകൾ: റിധ്വിക.